最近有好多朋友問我有關今次日本遊後感, 如果5粒星係滿分, 我會比5粒星。多謝我今次行程的另一位主角亞仙(代號).... 多謝你呀亞仙.... 亞任上。
ps: 亞仙話5粒星係滿分, 佢比25粒wor...
行程第一站六本木, 我地參觀了六本木的地標 - 森美術館,在那裡看東京市真係好靚。
在某個展館的某個互動展覽, 我見到個會場管理員坐住個細路, 我比佢嚇鬼死, 原來個"細路"係張櫈.....嚇死! 展館內不准攝影架所以張相係偷拍時有D out foucs, 唔好意思。
之後我地參觀了新近開幕的國立新美術館。美術館本身的設計已很特別亦係城中佳話,全個用玻璃做, 本身已經是一件藝術品。
是日晚餐我叫咗一番咖哩豬扒飯, 亞仙叫咗咖哩茄子飯, 因為行咗成日, 好累好肚睋無晒電, 餐廳無位所以Bar枱都殺, 坐隔離, 大家自己食自己碟飯無講嘢直至大家差不多食清光有返知覺, 大家對望咗一吓,見碟飯係12點位置大家都係留番粒青瓜未食, 留番最後先食, 大家不禁大笑出來, 成間餐廳人都望住, 失禮晒但無所謂, 人生幾何。你地睇我平時的食量與此碟飯的刮碟情況就知有幾粒星啦。
回家(酒店)的路上見到前面這位亞姐, 不得不同大家
報告一下, 從佢一身的裝扮, 大家係同道(手作人)並且手功好好tim, 手作白色毛毛頭夾(一對), 手作裙, 手作袋,全套粉紅, 襯到好行, 好絕, 有D走火入魔, 亞仙問我如果有朝一日佢係咁, 叫我記住提醒佢, 問我會點, 我停了一秒, 答佢:咁我陪你扮成咁囉（我都好大犠牲架）
再次笑到收唔到聲,個JR站都有點震,D日本人還以為有地震,之後比人怒bear。
ps: 後來為了查明事實,我證實個亞姐樣貌唔差wor... 但...唔好咁啦! 亞哩加多
下一站行程..... 下次話你知...
沒有留言:
發佈留言