今站來到箱根, 第一站是星之小王子博物館, 如我之前所說, 似作者本人的介紹館多過似介紹小王子, 最敗筆的地方是所有介紹只有日語及法語, 其實都幾失望, 我恨到小王子已有幾年, 一日終於來到卻看不明白。而最開心的是可以吃到一餐非常之不錯的午餐叫人大快朵頤。來到小王子博物館, gift shop都是必遊項目, 我建議你用30分鐘參觀博物館, 用3 個鐘留係gift shop並準備三萬yen!
ps: gift shop 入口有一個很小的counter, 上面有個小王子博物館的紀念印章, 每月個章款式都不同, 很有紀念價值。
第二站是強羅公園, 我和亞仙(化名)一起上了一課吹玻璃之體驗班, 這是我的老師及我的BB。如時間許可, 我建議大家可以玩一次, 體驗班只一小時, 但作品要第二日早上十時後取。
不得不提的一個笑話, 話說我之前未曾到過箱根, 亞仙上次去,都成十年前坐巴士, 今次我地坐登山火車, 因山路太斜,火車要Z字形上落(我地之前唔知), 換句話說火車兩頭都可以做車頭, 我和亞仙大鄉里出城, 當火車在某個站停了已後, 突然向後行, 起初不以為然但有D擔心,見其他人沒有反應咪故作鎮定囉, 但火車越行越急, 又擔心上錯車, 又擔心miss 咗個站, 以上全是我個人的擔心, 但亞仙卻擔心是否個鐵道員想自殺找其他乘客一起陪葬!!!!! 我地又再一次笑到成車望住, 就連坐對面的兩個小朋友不知我地笑咩, 但我地實在收唔到就一齊笑囉。你放大張相就會見到懷疑尋死的鐵道員, 佢個樣真係好神秘........
下一站係彫刻の森美術館及玻璃の森美術館, 彫刻の森就是看大型outdoor的彫刻, 很多sculpture都很互動, 第一幅為香腸煎蛋......第二幅為肥皂泡......第三/四幅個sculpture超好玩, 睇我地玩得幾開心就知啦, 後來發現個設計只供六歲以下玩.....嘻! 我地都只係大咗兩歲之麻..... 哈哈! 
玻璃の森是以玻璃為題的一個美術館, 只門口的水晶樹已教人印象難忘。
行了成日, 真的很累, 不得不介紹一下今次的溫泉酒店(塔之澤), 超水準! 房間內有私人露天溫泉, 但適合情侶多D, 我和亞仙咁豪邁, 定必試吓公眾溫泉, 而且計落我實有著數, 亞仙成千度近視, 我得三百幾, 點計都係我著數。
最想為大家介紹酒店內有售的"花雪肌"及"泥炭石", 唔講你唔知, 講你都唔信, "花雪肌"擁有神奇去死皮(老泥)功能, "泥炭石"有美肌奇效。原本無捻著買, 但原來溫泉澡堂有得試, 唔試又自可, 一試便知係無nut拖, 試想兩個八歲人仔, 光脫脫, 係咁試, 一晚差不多用咗成支, 差D擦到脫皮, 第朝起身, 第一時間落去掃咗5支, 咁你就知有幾得啦!ps: 澡堂 - 沒提供照片, 請自行聯想!
去溫泉酒店記緊要預定溫泉餐, 大多數溫泉酒店位置很偏僻, 很難在外找吃的, 此家的溫泉餐很好, 你睇吓什麼叫"好味到震"。
在回東京的火車上, 遇見17年後的我和亞仙, 希望我地25歲時仍可結伴遊就好啦! 但亞仙要先留番D留海並增磅52磅。你拉大張相就知!
下集返東京, 請勿錯過.....
沒有留言:
發佈留言